(កោះកុង)÷នារសៀលថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣ សម្តេចវិបុលសេនាភក្តី សាយ ឈុំ បានឆ្លៀតចូលអុជធូប គោរពបូជា នៅទៅទីកន្លែងតម្កល់សព លោកតា ព្រឹទ្ធាចារ្យ សាយ ភូថង ដែលស្ថិតនៅភូមិជីមាល ឃុំអណ្តូងទឹក ស្រុកបុទុមសាគរ ខេត្តកោះកុង។
លោកតា ព្រឹទ្ធាចារ្យ សាយ ភូថង គឺជាមេដឹកនាំសំខាន់បំផុតម្នាក់របស់កម្ពុជា ដែលមានគុណបំណាច់ និងលះបង់ជីវីតដើម្បីប្រជាពលរដ្ឋខេត្តកោះកុង និងជាវីរៈជនគំរូ និងឆ្លាក់ជាប់ក្នុងទំព័រប្រវត្តិសាស្រ្តកម្ពុជា ជាពិសេសពលិកម្ម និងការលះបង់របស់ លោកតាព្រឹទ្ធាចារ្យក្នុងការចូលរួមរំដោះកម្ពុជា ពីនរកអវិចិ៍យ ។
