(ភ្នំពេញ)៖ថ្ងៃសៅរ៍ ២រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែតុលា ឆ្នាំ២០២៤ ឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការ ក្រសួងមហាផ្ទៃ អញ្ជើញចូលរួមពិធីសូត្រមន្តអង្គកឋិនទានសាមគ្គី ដែលផ្តួចផ្តើមបុណ្យដោយ៖
-សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និង លោកជំទាវ ញ៉ែម សាខន
-ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ និងលោកជំទាវ កែ សួនសុភី
ដើម្បីដង្ហែវេរប្រគេនព្រះសង្ឃគង់ចាំព្រះវស្សាអស់ត្រីមាស ចំនួន៧វត្តធំៗគឺ៖
១. វត្តព្រះអង្គកងជុំ (ហៅវត្តព្រះអង្គខ្មៅ) ស្ថិតនៅភូមិគោកតាចាន់ សង្កាត់គោកចក ក្រុងសៀមរាប ខេត្តសៀមរាប
២. វត្តគីរីរុក្ខារាម (ហៅវត្តថ្មរមៀល) ស្ថិតនៅភូមិថ្មរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ
៣. វត្តគីរីរុក្ខារាម ធ្លក ស្ថិតនៅភូមិធ្លក ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ
៤. វត្តប្រាសាទារាម (វត្តប្រាសាទត្បែង) ស្ថិតនៅភូមិប្រាសាទត្បែង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ
៥. វត្តគិរីធម្មបទ (ហៅវត្តខ្លាកូនថ្មី) ស្ថិតនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ្ឌ ខេត្តបន្ទាយមានជ័យ
៦. វត្តទួលក្រាស់ ស្ថិតនៅភូមិថ្មី ឃុំពាមមានជ័យ ស្រុកពាមរក៍ ខេត្តព្រៃវែង
៧. វត្តពោធិអណ្តែតមានជ័យ (ហៅវត្តដឹកដា) ស្ថិតនៅភូមិដឹកដា ឃុំបន្តិចប្រាសាទ ស្រុកពាមរក៍ ខេត្តព្រៃវែង ។
