ថ្ងៃទី២៨ ខែកញ្ញា ឆ្នាំ២០៥០
គេហទំព័រសារព័ត៌មានសាមគ្គីជាតិ[www.skcnews.com] ទំនាក់ទំនងការផ្សាយ 092 46 12 13
អគ្គមេបញ្ជាការបន្តនាំយកអាវភ្លៀងរបស់សម្តេចតេជោ និងសម្តេចកិត្តិព្រឹទ្ធបណ្ឌិត ផ្តល់ជូនកងកម្លាំងប្រដាប់អាវុធទាំង៣ប្រភេទ នៅទិសយោធភូមិភាគទី៣
Mon,16 May 2022 (Time 02:07 PM)
ដោយ ៖ (ចំនួនអ្នកអាន: 179នាក់)

(កំពង់ស្ពឺ)៖ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានបន្តនាំយកអាវភ្លៀងជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តល់ជូនកងកម្លាំងប្រដាប់អាវុធទាំង៣ប្រភេទ នៅទិសយោធភូមិភាគទី៣ សម្រាប់ប្រើប្រាស់ក្នុងរដូវភ្លៀង។

ពិធីប្រគល់អាវភ្លៀងនេះ បានធ្វើឡើងនៅព្រឹកថ្ងៃទី១៦ ខែឧសភា ឆ្នាំ២០២២នេះ នៅទីបញ្ជាការយោធភូមិភាគទី៣ ដោយមានការចូលរួមពីសំណាក់ថ្នាក់ដឹកនាំស្ថាប័នចំណុះអគ្គបញ្ជាការដ្ឋាន និងនាយទាហាន នាយនគរបាល នាយអាវុធហត្ថ ឈរជើងនៅទិសយោធភូមិភាគទី៣ ជាច្រើនរូបទៀត។

ក្នុងឱកាសនោះ នាយឧត្តមសេនីយ៍ វង្ស ពិសេន បានលើកឡើងពីការដឹកនាំដ៏ឈ្លាសវៃរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខ ធ្វើឲ្យសង្គមជាតិមានសុខសន្តិភាពពេញផ្ទៃប្រទេស និងមានការអភិវឌ្ឍ រីកចម្រើនលើគ្រប់វិស័យ។

ក្នុងន័យនេះ នាយឧត្ដមសេនីយ វង្ស ពិសេន បានធ្វើការរម្លឹកពីអតីតកាលដែលកម្ពុជាធ្លាប់ឆ្លងកាត់សង្រ្គាមជាច្រើនទសវត្សរ៍ និងពលិកម្មធំធេងរបស់យុទ្ធជន នៅក្នុងបុព្វហេតុជាតិមាតុភូមិ ពិសេសសម្តេចតេជោ ហ៊ុន សែន ដែលបានយកជីវិតធ្វើដើមទុនដើម្បីតស៊ូរំដោះប្រជាជនកម្ពុជាចេញពី​រប​ប​​ប្រល័យពូជសាសន៍ ប៉ុល ពត។

នាយឧត្ដមសេនីយ វង្ស ពិសេន បានធ្វើការពន្យល់ពីគុណតម្លៃ ក៏ដូចជាសារៈសំខាន់នៃពាក្យ«សន្តិភាព» ដែលរកបានដោ​យលំបាកបំ​ផុត តាមរយៈនយោបាយ ឈ្នះ ឈ្នះ ដាក់ចេញដោយសម្ដេចតេជោ ហ៊ុន សែន និងបានអំពាវនាវឲ្យកងកម្លាំងបន្តចូលរួមថែរក្សាការពារសន្តិភាពឲ្យបានគង់វង្ស។

នាយឧត្តមសេនីយ៍អគ្គមេបញ្ជាការ ក៏បានលើកបង្ហាញពីការដឹកនាំដ៏ឈ្លាសវៃរបស់សម្ដេចតេជោ ហ៊ុន សែន នៅក្នុងការប្រយុទ្ធប្រឆាំងជំងឺកូវីដ-១៩ ទទួលបានជោគជ័យ ពិសេសការស្វះស្វែងរកវ៉ាក់សាំងមកចាក់ជូនប្រជាពលរដ្ឋដើម្បីបង្កើតភាពសាំ ធ្វើឲ្យការឆ្លងមានសភាពធូរស្រាល និងកំពុងបើកសេដ្ឋកិច្ចជំរុញការអភិវឌ្ឍជាតិយ៉ាងឆាប់រហ័ស។

ពាក់ព័ន្ធដល់ដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់នាថ្ងៃខាងមុខ នាយឧត្តមសេនីយ៍អគ្គមេបញ្ជាការ បានផ្តាំផ្ញើដល់កងកម្លាំងប្រដាប់អាវុធ សិក្សាស្វែងយល់ពីក្រមសីលធម៌នៃច្បាប់បោះឆ្នោត និងចូលរួមបំពេញភារកិច្ចការពារសន្តិសុខ សណ្តាប់ធ្នាប់សាធារណៈ ធ្វើយ៉ាងណាឲ្យដំណើរការបោះឆ្នោតប្រព្រឹត្តទៅក្នុងបរិយាកាសល្អ គ្មានការគំរាមកំហែង និងអំពើហិង្សា ៕

ព័ត៌មានគួរចាប់អារម្មណ៍

ឯកឧត្តមរដ្ឋមន្រ្តី វេង សាខុន ចូលរួមពិធីផ្សព្វផ្សាយលទ្ធផលសន្និបាតគណៈកម្មាធិការកណ្តាលវិសាមញ្ញគណបក្សប្រជាជនកម្ពុជា ()

ព័ត៌មានគួរចាប់អារម្មណ៍

កម្ពុជា-នីហ្សេរីយ៉ា សន្សាពង្រឹងកិច្ចសហប្រតិបត្តិការអភិវឌ្ឍលើវិស័យកសិកម្ម ()

ព័ត៌មានគួរចាប់អារម្មណ៍

នាយឧត្តមសេនីយ៍ វង្ស ពិសេន៖ ការហ្វឹក​ហ្វឺន​​បានដើរតួនាទីសំខាន់ សម្រាប់ការអភិវឌ្ឍធនធានមនុស្ស រួមមចំណែកដល់ការកែទម្រង់​ និងពង្រឹងវិស័យការពារជាតិ ()

ព័ត៌មានគួរចាប់អារម្មណ៍

ឯកឧត្តម រដ្ឋមន្រ្តី វេង សាខុន ចុះពិនិត្យចុងក្រោយទីតាំងសម្រាប់ប្រារព្វពិធី"មច្ឆទិវា"នៅស្រុកភ្នំស្រុក ខេត្តបន្ទាយមានជ័យ ()

ព័ត៌មានគួរចាប់អារម្មណ៍

ឯកឧត្តម វេង សាខុន និងលោក ជំទាវ ម៉ក់ ស៊ីថា និងសហការីបានអញ្ជើញបន្តចុះជួបសំណេះសំណាលជាមួយសមាជិកកណៈបក្សចំនួន៥៥០នាក់នៅឃុំអំពិល ស្រុកកំពង់សៀម ()

វីដែអូ

ចំនួនអ្នកទស្សនា

ថ្ងៃនេះ :
182 នាក់
ម្សិលមិញ :
141 នាក់
សប្តាហ៍នេះ :
2457 នាក់
ខែនេះ :
12527 នាក់
3 ខែនេះ :
39630 នាក់
សរុប :
498859 នាក់