ថ្ងៃទី០១ ខែកក្កដា ឆ្នាំ២០៥០
គេហទំព័រសារព័ត៌មានសាមគ្គីជាតិ[www.skcnews.com] ទំនាក់ទំនងការផ្សាយ 092 46 12 13
ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីបិទកិច្ចប្រជុំ បូកសរុបលទ្ធផលការងារឆ្នាំ២០២១និងលើកទិសដៅអនុវត្តបន្តឆ្នាំ២០២២របស់អគ្គនាយកដ្ឋានកៅស៊ូ
Sat,29 January 2022 (Time 02:48 PM)
ដោយ ៖ (ចំនួនអ្នកអាន: 238នាក់)

ភ្នំពេញ៖ពេញមួយសប្តាហ៍ ក្រសួងកសិកម្ម រុក្ខាប្រមាញ់ និងនេសាទ មានការមមាញឹករៀបចំកិច្ចប្រជុំ ដើម្បីបូកសរុបលទ្ធផលការងារឆ្នាំ២០២១ និងលើកទិសដៅអនុវត្តបន្តឆ្នាំ២០២២ នៅលើអនុវិស័យធំៗចំនួន ៥ គឺអនុវិស័យព្រៃឈើ; ជលផល; កសិកម្ម(ដំណាំ); សុខភាពសត្វ និងផលិតកម្មសត្វ និងអនុវិស័យកៅស៊ូ ជាបន្តបន្ទាប់ដើម្បីត្រៀមរៀបចំមហាសន្និបាទកសិកម្ម រុក្ខាប្រមាញ់ និងនេសាទ ក្នុងពេលដ៏ខ្លីខាងមុខ។ ដោយឡែកសម្រាប់ថ្ងៃសុក្រ ទី២៨ ខែមករានេះ អគ្គនាយកដ្ឋានកៅស៊ូ បានរៀបចំបិទកិច្ចប្រជុំបូកសរុបលទ្ធផលការងារឆ្នាំ២០២១ និងលើក ទិសដៅអនុវត្តបន្តឆ្នាំ២០២២។ ឯកឧត្តមរដ្ឋមន្រ្តី វេង សាខុន បានផ្តល់កិត្តិយសអញ្ជើញជាអធិបតី និងមានវត្តមានឯកឧត្តមជាថ្នាក់ដឹកនាំក្រសួង ឯកឧត្តម លោកជំទាវទីប្រឹក្សាក្រសួង ឯកឧត្តម ហ៊ឹម អូន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកៅស៊ូ លោកប្រធានអង្គភាព លោកប្រធាន មន្ទីរកសិកម្ម រុក្ខាប្រមាញ់ និងនេសាទរាជធានី-ខេត្ត តំណាងវិស័យឯកជន ដៃគូអភិវឌ្ឍន៍ ប្រតិបត្តិករកៅស៊ូ និងមន្រ្តីក្រោមឱវាទក្រសួង-អគ្គនាយកដ្ឋានកៅស៊ូយ៉ាងច្រើនកុះករ។

មិនខុសពីអនុវិស័យធំៗចំនួន៤ ដែលទើបបានបញ្ចប់កិច្ចប្រជុំរបស់ខ្លួន ឯកឧត្តមរដ្ឋមន្ត្រីបានចូលរួមអបអរ និងវាយតម្លៃខ្ពស់លើសមិទ្ធផលដែលអគ្គនាយកដ្ឋានកៅស៊ូសម្រេចបាន។ ភាពជោគជ័យនេះ ឯកឧត្តមរដ្ឋមន្រ្តីបញ្ជាក់ថា វាកើតចេញពីការខិតខំប្រឹងប្រែងយ៉ាងសកម្មពីថ្នាក់ដឹកនាំ និងមន្រ្តីគ្រប់ជាន់ថ្នាក់ក្រោមឱវាទ ដោយយកអស់ស្មារតីទទួលខុសត្រូវខ្ពស់ក្នុងការអនុវត្តភារកិច្ចរបស់ខ្លួនទៅតាមចំណេះ ជំនាញ និងបទពិសោធន៍ ឈរលើមាគាររួមមួយគឺការអភិវឌ្ឍឧស្សាហ កម្មកៅស៊ូធម្មជាតិឱ្យកាន់តែរីកចម្រើន មានសមត្ថភាពខ្ពស់ក្នុងការប្រកួតប្រជែង ធានាបានគុណភាព និងតម្លៃ តាមរយៈការដាក់បញ្ចូលផែនការអភិវឌ្ឍន៍ឧស្សាហកម្មកៅស៊ូធម្មជាតិ ទៅក្នុងផែនការយុទ្ធសាស្រ្តអភិវឌ្ឍន៍វិស័យកសិកម្មឆ្នាំ២០១៩-២០២៣ ឱ្យសម្រេចជោគជ័យតាមគោលដៅ។ ពិតណាស់ សមិទ្ធផលដែលអគ្គនាយកដ្ឋានកៅស៊ូសម្រេចបាន គឺដោយមានការ ចូលរួមសហការពីគ្រប់ភាគីពាក់ព័ន្ធ ថ្នាក់ជាតិ-ថ្នាក់ក្រោមជាតិ មន្ទីរកសិកម្ម រុក្ខាប្រមាញ់ និងនេសាទរាជធានី-ខេត្ត ដៃគូអភិវឌ្ឍន៍ និងប្រតិបត្តិករកៅស៊ូ។ល។ ដោយឡែក កិច្ចប្រជុំ ២ថ្ងៃកន្លង មកថ្នាក់ដឹកនាំ មន្រ្តីជំនាញ តួអង្គពាក់ព័ន្ធបានជួបពិភាក្សា ផ្លាស់ប្តូរបទពិសោធន៍ ពិនិត្យលើបញ្ហាប្រឈម ចំណុចខ្លាំង-ខ្សោយ និងរិះរកវិធានការដំណោះស្រាយ ផ្តល់ទស្សនទានថ្មីៗ ថែមទៀតដើម្បីអភិវឌ្ឍវិស័យកៅស៊ូឱ្យទទួលបានជោគជ័យ ស្របតាមផែនការយុទ្ធសាស្រ្តអភិវឌ្ឍន៍កៅស៊ូធម្មជាតិឆ្ពោះទៅឆ្នាំ២០៣០។

ជាមួយនឹងសមិទ្ធផលសម្រេចបាន វិស័យឧស្សាហកម្មកៅស៊ូនៅមានបញ្ហាប្រឈម ដែលចាំ បាច់ និងចាប់ផ្តើមបន្ទាន់ធ្វើការកែលម្អ និងដោះស្រាយ ដោយមានការយកចិត្តទុកដាក់ និងការគាំទ្រពីសំណាក់រាជរដ្ឋាភិបាល។ ដូច្នេះអគ្គនាយកដ្ឋានកៅស៊ូត្រូវខិតខំរិះរកមធ្យោបាយ វិធានការច្បាស់លាស់ និងបត់បែន ដើម្បីចូលរួមដោះស្រាយបញ្ហាសំខាន់ៗ ដោយត្រូវពង្រឹងកិច្ចសហការថែមទៀតជាមួយអន្តរស្ថាប័នពាក់ព័ន្ធតាមអភិក្រម “រដ្ឋ-ឯកជន-ដៃគូអភិវឌ្ឍន៍ និងសហគមន៍” ប្រកបដោយភាពម្ចាស់ការ និងឈរលើផលប្រយោជន៍រួម។ ជាមួយឆន្ទ:ប្តេជ្ញាចិត្ត តស៊ូពុះពារអនុវត្តការងារបន្តទៅតាមផែនការរបស់អគ្គនាយកដ្ឋានកៅស៊ូ ឯកឧត្តមរដ្ឋមន្ត្រីបានយកឱកាសនេះក្រើនរំលឹកបន្ថែមនូវអនុសាសន៍ដែលបានដាក់ចុះកន្លងមក និងផ្តល់ជូនទស្សនៈ និងវិធានការ សំខាន់ៗមួយចំនួនទៀត ដែលជាធាតុចូលសម្រាប់ជាមូលដ្ឋានគ្រឹះអនុវត្តបន្តឲ្យទទួលបានជោគជ័យ ក្នុងនោះមានដូចជា ៖ ១) ពង្រឹងកិច្ចសហការជាមួយក្រុមហ៊ុន វិនិយោគ និងក្រុមហ៊ុនសម្បទានដីសេដ្ឋកិច្ចដាំកៅស៊ូ រួមទាំងគ្រួសារ។ ២) យកចិត្តទុកដាក់ទីផ្សារនាំចេញផលិតផលកៅស៊ូ។ ៣) ពង្រឹងការងារគ្រប់គ្រងស្ថានីយ មជ្ឈមណ្ឌលស្រាវជ្រាវពូជ ជំងឺ សត្វ ល្អិតចង្រៃ និងការ កែច្នៃ ដោយត្រូវសហការជាមួយវិស័យឯកជន និងដៃគូអភិវឌ្ឍន៍។ ៤) ជំរុញចងក្រង និងពង្រឹងសហគមន៍កសិករកៅស៊ូគ្រួសារ។ ៥) ជំរុញការអភិវឌ្ឍឧស្សាហកម្មកែឆ្នៃកៅស៊ូធម្មជាតិនៅកម្ពុជា។ ៦) ត្រូវបន្តកៀរគរ និងស្វែងរកប្រភពហិរញ្ញប្បទាន ឬបច្ចេកវិទ្យាថ្មីៗពីដៃគូអភិវឌ្ឍន៍ផ្សេងៗទៀត ដើម្បីទទួលបានការរីកចម្រើនថ្មីៗទៀតក្នុងអនុវិស័យនេះ។

យោងលើរបាយការណ៍របស់អគ្គនាយកដ្ឋានកៅស៊ូ បានបង្ហាញឲ្យឃើញថា៖
 គិតត្រឹមឆ្នាំ២០២១ មានផ្ទៃដីកៅស៊ូសរុបជាង ៤០៤ ០៤៤ហ.ត (កៅស៊ូឧស្សាហកម្ម ២៤០ ៣៤៦ហ.ត កៅស៊ូគ្រួសារ ១៦៣ ៦៩៣ហ.ត) ផៃ្ទដីកៅស៊ូចៀរជ័រ ៣១០ ១៩៣ ហ.ត។
 ផលិតផលកៅស៊ូស្ងួតសម្រេចបានចំនួនជាង ៣៦៨,០០០តោន (១ ១៨៦ គ.ក្រ/ហ.ត)។
 ចំណូលសរុបចំនួនប្រមាណ ៦១២,៣លានដុល្លារ (១ ៦៦៦ដុល្លារ/តោន)។
 កម្ពុជាមានរោងចក្រ-សិប្បកម្មកែច្នៃកៅស៊ូចំនួន ១៦៨ ស្ថិតក្នុងខេត្តចំនួន១១។
 នាំចេញផលិតផលកៅស៊ូប្រមាណជាង ៣៧ម៉ឺនតោន ទទួលចំណូលជាថវិកាបានប្រមាណជាង ៦១០លានដុល្លារ និងចំណូលពីការនាំចេញឈើកៅស៊ូបានជាង ១,៥លានដុល្លារ។

ព័ត៌មានគួរចាប់អារម្មណ៍

នាយឧត្តមសេនីយ៍ វង្ស ពិសេន៖ ការហ្វឹក​ហ្វឺន​​បានដើរតួនាទីសំខាន់ សម្រាប់ការអភិវឌ្ឍធនធានមនុស្ស រួមមចំណែកដល់ការកែទម្រង់​ និងពង្រឹងវិស័យការពារជាតិ ()

ព័ត៌មានគួរចាប់អារម្មណ៍

ឯកឧត្តម រដ្ឋមន្រ្តី វេង សាខុន ចុះពិនិត្យចុងក្រោយទីតាំងសម្រាប់ប្រារព្វពិធី"មច្ឆទិវា"នៅស្រុកភ្នំស្រុក ខេត្តបន្ទាយមានជ័យ ()

ព័ត៌មានគួរចាប់អារម្មណ៍

ឯកឧត្តម វេង សាខុន និងលោក ជំទាវ ម៉ក់ ស៊ីថា និងសហការីបានអញ្ជើញបន្តចុះជួបសំណេះសំណាលជាមួយសមាជិកកណៈបក្សចំនួន៥៥០នាក់នៅឃុំអំពិល ស្រុកកំពង់សៀម ()

ព័ត៌មានគួរចាប់អារម្មណ៍

ឯកឧត្តមរដ្ឋមន្រ្តី វេង សាខុន បានទទួលជួបនាយកនិងអ្នកគ្រប់គ្រងទូទៅក្រុមហ៊ុនA Kirloskar Group Company របស់ឥណ្ឌាដើម្បីសម្តែងការគួរសមនិងស្នើសុំការណែនាំលើកម្មវត្ថុនៃការធ្វើទំនើបកម្មកសិកម្ម ()

ព័ត៌មានគួរចាប់អារម្មណ៍

អគ្គមេបញ្ជាការបន្តនាំយកអាវភ្លៀងរបស់សម្តេចតេជោ និងសម្តេចកិត្តិព្រឹទ្ធបណ្ឌិត ផ្តល់ជូនកងកម្លាំងប្រដាប់អាវុធទាំង៣ប្រភេទ នៅទិសយោធភូមិភាគទី៣ ()

វីដែអូ

ចំនួនអ្នកទស្សនា

ថ្ងៃនេះ :
55 នាក់
ម្សិលមិញ :
305 នាក់
សប្តាហ៍នេះ :
3525 នាក់
ខែនេះ :
14723 នាក់
3 ខែនេះ :
47121 នាក់
សរុប :
459589 នាក់