ថ្ងៃទី១៣ ខែមិថុនា ឆ្នាំ២០២១
គេហទំព័រសារព័ត៌មានសាមគ្គីជាតិ[www.skcnews.com] ទំនាក់ទំនងការផ្សាយ 092 46 12 13
ឯកឧត្តមរដ្ឋមន្រ្តី វេង សាខុន៖"ទុក្ខលំបាករបស់ប្រជាពលរដ្ឋ គឺជាទុក្ខលំបាករបស់រាជរដ្ឋាភិបាល"
Sat,08 May 2021 (Time 03:12 PM)
ដោយ ៖ (ចំនួនអ្នកអាន: 44នាក់)

"ទុក្ខលំបាករបស់ប្រជាពលរដ្ឋ គឺជាទុក្ខលំបាករបស់រាជរដ្ឋាភិបាល" ហេតុនេះហើយ បន្ទាប់ពីបានទទួលដំណឹងថា ប្រជាពលរដ្ឋចំនួន ៤០គ្រួសារកំពុងប្រឈមបញ្ហាខ្វះទីជម្រក និងស្បៀងអាហារដោយសារខ្យល់ព្យុះកន្រ្ទាក់កាលពីយប់ថ្ងៃទី០៥ នាព្រឹកថ្ងៃសៅរ៍ ១១រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៨ ខែឧសភា ឯកឧត្តម វេង សាខុន ប្រធានក្រុមការងាររាជរដ្ឋាភិបាល និងជាប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ ស្រុកកំពង់សៀម និងស្រុកជើងព្រៃ ខេត្តកំពង់ ចាម និងលោកជំទាវ ម៉ក់ ស៊ីថា រួមជាមួយឯកឧត្តមប្រធាន អនុប្រធានក្រុមការងារចុះស្រុកជើងព្រៃ និងសមាជិកមួយចំនួនទៀតបានរៀបចំបេសកកម្មបន្ទាន់មួយដើម្បីចុះមកពិនិត្យ និងវាយតម្លៃលើផលប៉ះពាល់ជាក់ស្តែង និងដោះស្រាយបញ្ហាជូនប្រជាពលរដ្ឋទាំង ៤០គ្រួសារដែលមាននៅក្នុងឃុំចំនួន ៦ (ឃុំព្រៃចារ សូទិប ស្តើងជ័យ សំពងជ័យ ខ្នុរដំបង និងឃុំផ្តៅជុំ) ឲ្យបានទាន់ពេល។

លោក អួត ឈាងលី អភិបាលនៃគណអភិបាលស្រុក បានរាយការណ៍ជូនឯកឧត្តមប្រធានបានជ្រាបដោយសង្ខេបអំពីស្ថានភាពជាក់ស្តែងដែលប្រជាពលរដ្ឋកំពុងជួបប្រទះ និងជំនួយបឋមគឺតង់ប្រក់ដំបូលជូនគ្រួសារ ទាំងបី ហើយយោងលើការវាយតម្លៃការខូចខាតទាំង ៤០ខ្នងផ្ទះ ក្នុងនោះ ៣ខ្នងផ្ទះខូចខាតទាំងស្រុង និង ៣៧ខ្នងផ្ទះទៀតខូចខាតដំបូល រួមទាំងដំបូលព្រះវិហារ ០១ផងដែរ។ ក្នុងនាមឲ្យអាជ្ញាធរស្រុក និងជាពិសេសបងប្អូនប្រជាពលរដ្ឋទាំង ៤០គ្រួសារ លោកអភិបាលនៃគណអភិបាលស្រុកបានថ្លែងអំណរគុណយ៉ាងជ្រាលជ្រៅជូនចំពោះឯកឧត្តមប្រធានក្រុមការងារ ឯកឧត្តមប្រធាន-អនុប្រធានក្រុមការងារចុះជួយឃុំទាំង៦ ដែលបានគិតគូ យកចិត្តទុកដាក់អំពីសុខទុក្ខរបស់បងប្អូនដែលទទួលរងគ្រោះ ដោយបានជួយឧបត្ថម្ភជាស្បៀងសម្រាប់ទ្រទ្រង់ជីវភាពប្រចាំថ្ងៃ និងសម្ភារប្រើប្រាស់ជាជម្រកបានទាន់ពេលវេលា។ កាយ វិការដ៏ប្រពៃនេះបានបង្ហាញពីការគិតគូ យកចិត្តទុកដាក់ខ្ពស់ក្នុងការដោះស្រាយនូវរាល់បញ្ហា និងទុក្ខកំបាកជូនបងប្អូនទូទាំងស្រុកជើងព្រៃបានទាន់ពេលវេលា។ ឧត្តមគតិ និងស្មារតីទទួលខុស ត្រូវខ្ពស់ក្នុងនាមឯកឧត្តមជាប្រធានក្រុមការងារចុះស្រុកកំពង់សៀម និងស្រុកជើងព្រៃ ធ្វើឲ្យប្រជាពលរដ្ឋចងចាំ និងបន្តគាំទ្រលើការដឹកនាំរបស់ឯកឧត្តមប្រធាន និងសហការីជារៀងរហូត ក្រោមម្លប់សុខសន្តិភាព។

មានមតិសំណេះសំណាលជាមួយប្រជាពលរដ្ឋរងគ្រោះ ឯកឧត្តមក្នុងនាមថ្នាក់ដឹកនាំក្រុមការ ងារចុះជួយស្រុកជើងព្រៃ លោកបានពាំនាំនូវការផ្តាំផ្ញើសាកសួរសុខទុក្ខ និងចូលរួមសោកស្តាយចំពោះការខូចខាតទ្រព្យសម្បត្តិរបស់ប្រជាពលរដ្ឋទាំង ៤០គ្រួសារ។ ដើម្បីសម្រាលទុក្ខលំបាករបស់គ្រួសាររងគ្រោះ ព្រឹកនេះឯកឧត្តមដែលជាប្រធានក្រុមការងារ បានអញ្ជើញចុះមកផ្ទាល់ ដើម្បីពិនិត្យ វាយតម្លៃ លើការខូចខាត និងដាក់ចេញនូវគោលនយោបាយដោះស្រាយបញ្ហាជូនប្រជាពលរដ្ឋជាបន្ទាន់។ ជាក់ស្តែងអំណោយស្បៀងសង្រោះបន្ទាន់ដែលបានចែកជូនប្រជាជនចំនួន៤០ គ្រួសារ ក្នុងមួយគ្រួសារទទួលបាន អង្ករ ២៥ គក្រ; មីខ្លាឃ្មុំ មួយកេះ; ទឹកស៊ីអ៊ីវ មួយយួរ; ត្រីខ មួយកេះ និងតង់កៅស៊ូចំនួន ៣ ត្រូវបានឯកឧត្តមនាំយកមកចែកជួនប្រជាពលរដ្ឋដោយផ្ទាល់ តំណាងដ៏ខ្ពស់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាតក្រហមកម្ពុជា។ លោកបានថ្លែងអំណរគុណ និងវាយតម្លៃខ្ពស់ចំពោះកិច្ចខិតខំប្រឹងប្រែង រួមសហការគ្នាបានល្អក្នុងការដោះស្រាយបញ្ហាជូនប្រជាពលរដ្ឋ ទាំងអាជ្ញាធរមូលដ្ឋាន និងឯកឧត្តមប្រធាន-អនុប្រធាន និងសមាជិកក្រុមការងារចុះជួយឃុំទាំង ៦។ កាយវិការដ៏ប្រពៃនេះ បានបង្ហាញឲ្យឃើញពីទំនួលខុសត្រូវខ្ពស់ចំពោះបញ្ហាជីវភាព សេចក្តីសុខទុក្ខរបស់បងប្អូននៅមូលដ្ឋានគ្រប់កាល:ទេស: និងគ្រប់ក្រុមគ្រួសារ។ ក្នុងឱកាសនោះដែរ ឯកឧត្តមប្រធាន បានណែនាំឲ្យបងប្អូនប្រជាពលរដ្ឋត្រូវបង្កើនការប្រុងប្រយ័ត្នខ្ពស់ចំពោះគ្រោះធម្មជាតិ ដោយត្រូវយកចិត្តទុកដាក់ខ្ពស់ ក្នុងការសាងសង់លំនៅឋានឲ្យមានភាពធន់នឹងគ្រោះធម្មជាតិ ប្រកបដោយសុវត្ថិភាព ការពារទ្រព្យសម្បត្តិ សត្វពាហន: និងអាយុជីវិត។ ស្ថិតក្នុងស្ថានភាពនៃការរីករាលដាលជំងឺឆ្លងកូវីដ -១៩ ឯកឧត្តមប្រធានបានណែនាំឲ្យបងប្អូនប្រជាពលរដ្ឋត្រូវបង្កើនការថែរក្សាសុខភាព អនុវត្តឲ្យបានតាមការណែនាំរបស់ក្រសួងសុខាភិបាល និងជាពិសេសអនុវត្តឲ្យបានខ្ជាប់ខ្ជួននូវវិធានការ ៣ការពារ និង៣កុំ ដើម្បីបង្ការ និងទប់ស្កាត់ជំងឺឆ្លងកូវីដ-១៩ នៅមូលដ្ឋានរបស់ខ្លួនឲ្យបាន។

កម្មវត្ថនៃការជួយឧបត្ថម្ភជូនដល់ប្រជាពលរដ្ឋរងគ្រោះសម្រាប់សាងសង់ និងជួសជុលផ្ទះឡើងវិញ រួមមាន៖ ផ្ទះ៣ខ្នងខូចខាតទាំងស្រុងអស់ទឹកប្រាក់សរុបចំនួន ៩ ០០០ ០០០ ៛ ; ផ្ទះចំនួន១៦ ខ្នងផ្ទះ ខូចខាងកម្រិតមធ្យមអស់ទឹកប្រាក់សរុបចំនួន ៧ ២៥០ ០០០ ៛ និងខូចខាតកម្រិតស្រាលចំនួន ២១ខ្នងផ្ទះ អស់ទឹកប្រាក់សរុបចំនួន ២ ៦១០ ០០០រ។ បន្ថែមលើសពីនេះ ឯកឧត្តម បានជួយឧបត្ថម្ភជាថវិកាសម្រាប់ត្រៀមបំរុងជួយសង្គ្រោះ និងឧបត្ថម្ភប្រជាជន ដែលជួបនឹងបញ្ហាខ្វះខាតនាពេលខាងមុខ ដែលក្នុងនេះបានជូនទៅលោកមេឃុំទាំង ១០ ក្នុងស្រុកជើងព្រៃ អស់ថវិកាចំនួន ៤ ០០០ ០០០ រៀល និងឧបត្ថម្ភថវិកា ជូនលោកអភិបាលនៃគណៈអភិបាលស្រុកជើងព្រៃចំនួន ៥ ០០០ ០០០ ៛ ។
សរុបថវិកាដែលបានចំណាយនាថ្ងៃនេះអស់ចំនួន ២៧ ៨៦០ ០០០រៀល ។

ព័ត៌មានគួរចាប់អារម្មណ៍

នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ ប្រជុំពិភាក្សាជាមួយថ្នាក់ដឹកនាំក្រសួងមហាផ្ទៃ ដើម្បីកែសម្រួលខ្លឹមសារសេចក្តីព្រាងច្បាប់ ស្ដីពីអន្តោប្រវេសន៍ថ្មី ()

ព័ត៌មានគួរចាប់អារម្មណ៍

រដ្ឋមន្រ្តី វេង សាខុន បានអញ្ជើញមកធ្វើការផ្សព្វផ្សាយសើចក្តីសម្រេចរបស់គណកម្មាធិការកណ្តាលស្តីពី"ផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២" ()

ព័ត៌មានគួរចាប់អារម្មណ៍

ឯកឧត្តមរដ្ឋមន្រ្តី វេង សាខុន បានបន្តដំណើរមកពិនិត្យកសិដ្ឋានចិញ្ចឹមគោមួយកន្លែង(គោពូជ និងគោសាច់)នៅភូមិតារាម ឃុំចុងជាច ស្រុកតំបែរ ខេត្តត្បូងឃ្មុំ ()

ព័ត៌មានគួរចាប់អារម្មណ៍

រដ្ឋមន្រ្តី វេង សាខុន អញ្ជើញចូលពិនិត្យវឌ្ឍនភាពនៃការសាងសង់មន្ទីរពេទ្យបង្អែកស្រុកតំបែរដែលកំពុងពន្លឿនការសាងសង់ដែលកម្ពស់បីជាន់ហើយគ្រោងនឹងដាក់សម្ពោធឲ្យប្រើប្រាស់ជាផ្លូវការនាឆាប់ៗខាងមុខនេះ ()

ព័ត៌មានគួរចាប់អារម្មណ៍

ឯកឧត្តមរដ្ឋមន្រ្តី វេង សាខុន បានអញ្ជើញដឹកនាំកិច្ចប្រជុំដើម្បីផ្សព្វផ្សាយសើចក្តីសម្រេចរបស់គណកម្មាធិការកណ្តាលស្តីពីផែនការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២ ()

វីដែអូ

ចំនួនអ្នកទស្សនា

ថ្ងៃនេះ :
114 នាក់
ម្សិលមិញ :
528 នាក់
សប្តាហ៍នេះ :
3629 នាក់
ខែនេះ :
22294 នាក់
3 ខែនេះ :
55689 នាក់
សរុប :
243467 នាក់