ថ្ងៃទី០៦ ខែកក្កដា ឆ្នាំ២០២០
គេហទំព័រសារព័ត៌មានសាមគ្គីជាតិ[www.skcnews.com] ទំនាក់ទំនងការផ្សាយ 092 46 12 13
នាយឧត្ដមសេនីយ៍ វង្ស ពិសេន៖ ការហ្វឹកហ្វឺនបណ្តុះបណ្តាលធនធានមនុស្ស ក្នុងកងយោធពលខេមរភូមិន្ទ ជាកត្តាសំខាន់ក្នុងការលើកកម្ពស់សមត្ថភាព ឆ្លើយតបទៅនឹងភារកិច្ចចំពោះមុខ និងយូរអង្វែង
Do,30 Januar 2020 (Time 03:29 )
ដោយ ៖ (ចំនួនអ្នកអាន: 145នាក់)

(កំពង់ស្ពឺ)៖ នាយឧត្ដមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ បានក្រើនរំលឹកថា ការងារហ្វឹកហ្វឺនបណ្តុះបណ្តាលធនធានមនុស្សក្នុងកងយោធពលខេមរភូមិន្ទ គឺជាកត្តាចាំបាច់បំផុតមួយ ក្នុងចំណោមបញ្ហាសំខាន់ៗជាច្រើនទៀត ដើម្បីឆ្លើយតបទៅនឹងសំណូមពរភារកិច្ចចាំបាច់ចំពោះមុខ និងយូរអង្វែង។

ការលើកឡើងរបស់នាយឧត្ដមសេនីយ៍ វង្ស ពិសេន ត្រូវបានធ្វើឡើងនៅព្រឹកថ្ងៃទី៣០ ខែមករា ឆ្នាំ២០២០នេះ នៅក្នុងឱកាសអញ្ជើញជាអធិបតីនៃពិធីសម្តែងលំហាត់សំយោគរបស់សិក្ខាកាម នាយទាហានទ័ពជើងគោកជំនាន់ទី៨ នៅវិទ្យាស្ថានកងទ័ពជើងគោក។

នាយឧត្ដមសេនីយ៍ វង្ស ពិសេន បានសង្កត់ធ្ងន់ថា ដើម្បីបន្តពង្រឹងការកសាងធនធានមនុស្សក្នុងវិស័យការពារជាតិ ចាំបាច់ត្រូវធ្វើការកែទម្រង់ ដោយឈរលើគោលការណ៍សាមគ្គីភាព ឯកភាពផ្ទៃក្នុង ពិសេសប្រព័ន្ធអប់រំយោធិនត្រូវកែសម្រួល ដើម្បីបង្កើនប្រសិទ្ធភាពទាំងការបណ្តុះបណ្តាលយោធិនអាជីព និង ការហ្វឹកហ្វឺនជំនាញផ្សេងៗ។

តាមសេចក្តីរាយការណ៍របស់នាយកវិទ្យាស្ថានកងទ័ពជើងគោក សិក្ខាកាមនាយទាហានជើងគោកជំនាន់ទី៨ មានចំនួនសរុប២២៧នាក់ ឆ្លងកាត់ការហ្វឹកហ្វឺនរយៈពេល៤ឆ្នាំ ក្នុងនោះមានហ្វឹកហ្វឺន មេរៀន យុទ្ធវិធីពីកម្រិតបុគ្គលដល់កម្រិតនាយក្រុម ហ្វឹកហ្វឺនមេរៀនចំណេះដឹងទូទៅ និងយោធាថ្នាក់មូលដ្ឋាន ហ្វឹកហ្វឺនមេរៀនយុទ្ធវិធីពីកម្រិតមេញ្ជាការកងអនុសេនាតូចនិងសិក្សាស្វែងយល់ថ្នាក់កង អនុសេនាធំ ហ្វឹកហ្វឺនមេរៀនចំណេះដឹងបច្ចេកទេស និងមុខជំនាញអន្តរាវុធ។

នាយឧត្ដមសេនីយ៍ អគ្គមេបញ្ជាការ បានថ្លែងអំណរគុណដល់ក្រសួង ស្ថាប័នពាក់ព័ន្ធនានា ដែលបានផ្តល់កិច្ចសហការយ៉ាងល្អជាមួយនឹងស្ថាប័នជំនាញអគ្គបញ្ជាការដ្ឋាន ធ្វើឲ្យការងារបណ្តុះបណ្តាលយោធិននៅតាមបណ្តាសាលា សមស្របជាមួយនឹងប្រព័ន្ធអប់រំជាតិ និងមានលក្ខណៈនិយាមអន្តរជាតិ។

ដើម្បីជាមូលដ្ឋានសម្រាប់សិក្ខាកាមដែលទើបបញ្ចប់ការសិក្សាយកទៅអនុវត្តឲ្យទទួលបានលទ្ធផលល្អ នាយឧត្ដមសេនីយ៍ អគ្គមេបញ្ជាការ បានផ្តាំផ្ញើនូវចំណុចសំខាន់ៗមួយចំនួនដូចខាងក្រោម៖
*ទី១ ៖ ត្រូវយល់ដឹងឲ្យបានច្បាស់នូវតួនាទីភារកិច្ចរបស់កងយោធពលខេមរភូមិន្ទ
*ទី២ ៖ ត្រូវធ្វើគំរូដល់មហាជនក្នុងការគោរព និងអនុវគ្គច្បាប់។ ទន្ទឹមនោះត្រូវគោរព និងអនុវត្តឲ្យបានម៉ឺងម៉ាត់នូវវិន័យ បទបញ្ជាលក្ខន្តិកៈទូទៅរបស់កងយោធពលខេមរភូមិន្ទ
*ទី៣ ៖ ត្រូវបង្កើនសមត្ថភាពយល់ដឹងឲ្យបានស៊ីជម្រៅអំពីសភាពការណ៍សន្តិសុខពាក់ព័ន្ធ នឹងកងយោធពលខេមរភូមិន្ទ ដើម្បីលើកកម្ពស់ស្មារតីប្រុងប្រយ័ត្ន និងទប់ស្កាត់បានទាន់ពេលវេលា
*ទី៤ ៖ ត្រូវរក្សាសាមគ្គីភាព ឯកភាពផ្ទៃក្នុងឲ្យបានល្អ ព្រមទាំងបង្កើនស្មារតីសហការទទួលខុសត្រូវ ដោយឈរលើផលប្រយោជន៍សមូហភាពជាសំខាន់
*ទី៥ ៖ គ្រប់គ្រង ថែរក្សា និងជួសជុលរាល់មធ្យោបាយ សម្ភារ បរិក្ខារ គ្រឿងបំពាក់គ្រប់ប្រភេទឲ្យបានល្អជាប្រចាំ និងសមស្របតាមលក្ខណៈបច្ចេកទេស
*ទី៦ ៖ បន្តការសិក្សាស្រាវជ្រាវដើម្បីលើកកម្ពស់ការយល់ដឹងឲ្យបានទូលំទូលាយ ទាំងចំណេះដឹងទូទៅ ជំនាញឯកទេសថ្មីៗ ក៏ដូចជាចំណេះដឹងភាសាបរទេសជាដើម
*ទី៧ ៖ លើកកម្ពស់សីលធម៌ គុណធម៌ ស្មោះត្រង់ជានិច្ចក្នុងបុព្វហេតុជាតិ គោរពស្រលាញ់ ជឿទុកចិត្តគ្នាទៅវិញទៅមក
*ទី៨ ៖ សកម្មចូលរួមកសាងអង្គភាព និងការចូលរួមបង្កបង្កើនផល ដាំដំណាំ ចិញ្ចឹមសត្វ ដើម្បីលើកស្ទួយជីវភាពប្រចាំថ្ងៃ បន្ថែមលើគោលរបបរបស់រដ្ឋ៕

ព័ត៌មានគួរចាប់អារម្មណ៍

រដ្ឋមន្រ្តីក្រសួងកសិកម្មនិងលោកជំទាវបានអញ្ជើញមកពិនិត្យតាមដាន និងវាយតម្លៃអំពីវឌ្ឍនភាពនៃវិស័យវារីវប្បកម្មទឹកសាមក្នុងខេត្តកំពង់ចាម ខេត្តកណ្តាលនិង ខេត្តព្រៃវែង ()

ព័ត៌មានគួរចាប់អារម្មណ៍

ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទបានអញ្ជើញជាអធិបតីក្នុងពិធីស្តីពី"ទិវាពិភពលោកប្រយុទ្ធប្រឆាំងនឹងការធ្លាក់ចុះគុណភាពដីនិងគ្រោះរាំងស្ងួតឆ្នាំ២០២០" ()

ព័ត៌មានគួរចាប់អារម្មណ៍

សម្តេចតេជោ ហ៊ុន សែន អញ្ជើញសូត្រមន្តឡើងអគារវិមាន៧មករាទីស្នាក់ការកណ្តាលគណបក្សប្រជាជនកម្ពុជា ()

ព័ត៌មានគួរចាប់អារម្មណ៍

ឯកឧត្តម វេង សាខុន និងលោកជំទាវ អញ្ជើញមកកាន់ស្រុកជើងព្រៃវត្តមុសិខារាមហៅវត្តផ្តៅជុំដោយទៀនព្រះវស្សាគ្រឿងបរិក្ខារនិងបច្ច័យមួយចំនួនប្រគេន៤០វត្ត ()

ព័ត៌មានគួរចាប់អារម្មណ៍

ឯកឧត្តមរដ្ឋមន្រ្តី វេង សាខុន តែងតែមមៃនឹកគិតខ្វល់ខ្វាយអំពីសុខទុក្ខ ជីវភាពរបស់បងប្អូនប្រជាពលរដ្ឋនៅមូលដ្ឋានដែលលោកទទួលខុសត្រូវជានិច្ច ()

វីដែអូ

ចំនួនអ្នកទស្សនា

ថ្ងៃនេះ :
65 នាក់
ម្សិលមិញ :
186 នាក់
សប្តាហ៍នេះ :
1774 នាក់
ខែនេះ :
8158 នាក់
3 ខែនេះ :
24395 នាក់
សរុប :
76488 នាក់