ថ្ងៃទី២១ ខែតុលា ឆ្នាំ២០២០
គេហទំព័រសារព័ត៌មានសាមគ្គីជាតិ[www.skcnews.com] ទំនាក់ទំនងការផ្សាយ 092 46 12 13
ឯកឧត្តមរដ្ឋមន្រ្តី វេង សាខុន និងសហការីបានអញ្ជើញបន្តដំណើរមកភូមិថ្នល់ដាច់ ឃុំខ្នាពោធិ៍ ស្រុកសូត្រនិគមន៍ ខេត្តសៀមរាបដោយបាននាំយកកូនឬស្សីសាំងម៉ុនចំនួន២ពាន់ដើមមកចែកជូនសហគមន៍ព្រៃឈើទឹកជប់ខ្នាពោធិ៍និងសហគមន៍ព្រៃឈើគោចាស់
So,11 Oktober 2020 (Time 09:38 )
ដោយ ៖ (ចំនួនអ្នកអាន: 30នាក់)

ចេញពីខេត្តព្រះវិហារ ឯកឧត្តមរដ្ឋមន្ត្រី និងសហការីបានអញ្ជើញបន្តដំណើរមកភូមិថ្នល់ដាច់ ឃុំខ្នាពោធិ៍ ស្រុកសូត្រនិគម ខេត្តសៀមរាប ដោយបាននាំយកកូនឫស្សីសាំងម៉ុនចំនួន ២ពាន់ដើម មកចែកជូនសហគមន៍ព្រៃឈើទឹកជប់ខ្នាពោធិ៍ និងសហគមន៍ព្រៃឈើគោកចាស់ ដោយសហគមន៍នីមួយៗទទួលបានកូនឫស្សីចំនួន ១ពាន់ដើម។ លោក គង់ ប៉ុនលួស (លេខទំនាក់ ទំនង ០១៧ ៨៥៨២២៩) អនុប្រធានគណកម្មការគ្រប់គ្រងសហគមន៍ព្រៃឈើទឹកជប់ខ្នាពោធិ៍ បានអានរបាយការណ៍ជូនអង្គពិធីជ្រាបថាសហគមន៍បានបង្កើតនៅឆ្នាំ១៩៩៩ មានផ្ទៃដី១០២២ ហ.ត និងមានសមាជិក ៤៩នាក់។ លោកបានបន្តរៀបរាប់អំពីស្ថានភាពជារួមនៃសហគមន៍ព្រៃ ឈើ សកម្មភាពជីវភាពរបស់សមាជិកសហគមន៍ តួនាទី និងភារកិច្ចក្នុងការការពារ និងថែរក្សាព្រៃឈើ សត្វព្រៃ ការប្រមូលផល និងអនុផលព្រៃឈើ ការធ្វើអេកូទេសចរណ៍ ការកសាងហេដ្ឋា រចនាសម្ព័ន្ធផ្លូវថ្នល់ បញ្ហាប្រឈម ទិសដៅ និងសំណើ។ល។

ស្ថិតក្នុងទឹកដីអង្គរដ៏បវរ និងក្នុងព្រៃឈើដ៏សែនមនោរម្យ ឯកឧត្តមរដ្ឋមន្ត្រីបានធ្វើការសំណេះ សំណាលជាមួយបងប្អូនប្រជាសហគមន៍ ដោយបានពាំនាំការផ្តាំផ្ញើសាកសួរសុខទុក្ខ របស់សម្តេចតេជោហ៊ុន សែន នាយករដ្ឋមន្រ្តី និងសម្តេចកិត្តិព្រឹត្តបណ្ឌិត ដែលលោកទាំងពីរតែងតែ គិតគូពីសុខទុក្ខ និងបញ្ហាជីវភាពប្រចាំថ្ងៃរបស់បងប្អូន ហើយសម្តេចសូមជូនពរឱ្យបងប្អូនទទួលបាននូវពុទ្ធពរទាំង ៤ប្រការ។ ចំពោះពិធីនារសៀលថ្ងៃនេះ ឯកឧត្តមរដ្ឋមន្ត្រីបានវាយតម្លៃខ្ពស់ចំពោះមន្ទីរកសិកម្ម រុក្ខាប្រមាញ់ និងនេសាទ អាជ្ញាធរមូលដ្ឋាន រដ្ឋបាលព្រៃឈើ ដែលបានសហ ការគ្នារៀបចំបង្កើតសហគមន៍ព្រៃឈើ ជាពិសេសរៀបចំពិធីចែក និងដាំឫស្សី ដើម្បីជាប្រយោជន៍ក្នុងការបង្កើតគម្របព្រៃឈើឡើងវិញ ធ្វើការអភិវឌ្ឍ និងអភិរក្សព្រៃឈើ សត្វព្រៃ ជីវ:ចំរុះ ធានាបាននូវនិរន្តរភាពនៃការអាស្រ័យផល និងអនុផលព្រៃឈើ និងចូលរួមថែរក្សា ការពារធនធានធម្មជាតិ (ព្រៃ និងសត្វព្រៃ) សម្រាប់កូនចៅជំនាន់ក្រោយ។ ដើម្បីរក្សាបាននូវនិរន្តរភាពនៃការ គ្រប់គ្រងសហគមន៍ព្រៃឈើ និរន្តរភាពនៃការផ្គត់ផ្គង់ស្បៀង ឯកឧត្តមរដ្ឋមន្ត្រីបានណែនាំឱ្យមន្ទីរកសិកម្ម រុក្ខាប្រមាញ់ និងនេសាទ ខ័ណ្ឌរដ្ឋបាលព្រៃឈើជួយកៀរគរគម្រោងថ្មីៗដោយជ្រើសរើសសហគមន៍នេះ និងសហគមន៍ព្រៃឈើទូទាំងប្រទេសធ្វើជាគោលដៅនៃចលនាជំរុញ និងបង្កើនផលិតកម្មស្បៀងតាមរយ:ការចិញ្ចឹមសត្វ (មាន់ស្រែ) ត្រី ដាំបន្លែ និងដំណាំរួមផ្សំ ដើម្បីបន្តការអភិវឌ្ឍសហគមន៍ឲ្យកាន់តែរីកចម្រើន ឈានទៅប្រែក្លាយជាសហគមន៍គំរូ និងសហគមន៍អេកូទេសចរណ៍ ដើម្បីទាញយកប្រយោជន៍បន្ថែមពីធនធានព្រៃឈើ បង្កើត និងបង្កើនប្រភពចំណូល កែលម្អជីវភាពតាមរយ:បង្កើតរបរបន្ថែម ដូចជាចិញ្ចិមឃ្មុំ ដាំឬស្សី ចិញ្ចឹមសត្វ និងដាំដំណាំ រួម ទាំងរៀបចំរចនាសម្ព័ន្ធផ្លូវថ្នល់ក្នុងសហគមន៍ឲ្យបានល្អដើម្បីពង្រីកវិស័យអេកូទេសចរណ៍ ធ្វើផ្លូវ ការពារភ្លើងឆេះព្រៃ ត្រូវបោះបង្គោលព្រំដីសហគមន៍ និងធ្វើប្លង់ដីកម្មសិទ្ធិចៀសវាងការទន្រ្ទានដីព្រៃឈើរដ្ឋធ្វើជាកម្មសិទ្ធិ។ តាមសំណើរបស់សហគមន៍ ឯកឧត្តមរដ្ឋមន្ត្រីថានឹងជួយជួសជុលទំនប់ទឹកប្រវែង ១៦០ម ទប់ទឹកទុកប្រើប្រាស់ជាប្រយោជន៍រួម។

យោងលើរបាយការណ៍របស់រដ្ឋបាលព្រៃឈើបានឲ្យដឹងថា បច្ចុប្បន្ននៅទូទាំងប្រទេសមានសហគមន៍ព្រៃឈើចំនួន ៦៣៦(៥១៨ ៥២៦ហ.ត) ក្នុងនោះបានសហគមន៍ចំនួន៤៩៦ (៤៣ ៥៨០ហ.ត) ត្រូវបានចុះបញ្ជីទទួលស្គាល់ដោយក្រសួងកសិកម្ម រុក្ខាប្រមាញ់ និងនេសាទ និងបានចុះកិច្ចព្រមព្រៀងព្រៃសហគមន៍ចំនួន ៤៤០ (៣៦៥ ៣០៦ហ.ត)។ ដោយឡែកខេត្តសៀម រាបមានសហគមន៍ព្រៃឈើចំនួន ៦២ គ្របដណ្តប់លើផ្ទៃដីព្រៃ ៣៤ ៦៩០ហ.ត។ បច្ចុប្បន្ន សហគមន៍ភាគច្រើនបានពឹងអាស្រ័យលើការប្រមូលអនុផលព្រៃឈើដូចជាផ្សិត ផ្លែឈើព្រៃ ឃ្មុំព្រៃ កែច្នែទ្រាំង កែច្នៃឬស្សីប្រើប្រាស់ និងលក់ ដែលអាចរកចំណូលបានជាមធ្យមពី ៨-១២លាន រៀល/ឆ្នាំ/សហគមន៍។ ដើម្បីកែប្រែកម្រិតជីវភាព និងរក្សាបាននូវនិរន្តរភាពស្បៀង រដ្ឋបាលព្រៃ ឈើបានអនុវត្តសាកល្បងនូវជម្រើសកសិ-រុក្ខកម្មនៅក្នុងព្រៃសហគមន៍ចំនួន ៥កន្លែងក្នុងឆ្នាំ ២០១៩ និងឆ្នាំ២០២០ ចំនួន ៨កន្លែង (២ហិកតា/សហគមន៍) ដោយដាំកូនឈើធ្នង់ ស្តៅ និងឫស្សី នៅចន្លោះកូនឈើសហគមន៍បានដាំដំណាំកសិកម្មដូចជា ក្រូចឆ្មា ស្វាយចន្ទី ពោត សណ្តែក និងឪឡឹក។ ដោយសារផលកសិ-រុក្ខកម្មនេះសហគមន៍អាចរកចំណូលបាន៤-៧ លានរៀល/ឆ្នាំ/សហគមន៍បន្ថែមទៀត។ ចំពោះឫស្សីដាំថ្ងៃនេះ គឺជាឫស្សីពូជសាំងម៉ុន (Dendrocalamus sp.) ដែលត្រូវបានគេហៅថាឫស្សីយក្ស ឬឫស្សីនាគ។ វាមានដើមធំ (អង្កត់ផ្ចឹតពី១០-៣០ ស.ម) និងមានកំពង់រហូតដល់ ២៥-៣៥ម៉ែត្រ ដែលគេដាំសម្រាប់យកដើមមកប្រើប្រាស់ជាគ្រឿងសង្ហារឹម នៅអាយុ ៥-៧ឆ្នាំ អាចប្រមូលផលបាន។ ចំពោះការចែក និងដាំកូនឫស្សីនារសៀលថ្ងៃនេះ គឺជាការដាំជានិមិត្តរូបនៃចលនាដាំកូនឫស្សីរបស់រដ្ឋបាលព្រៃឈើចំនួន ១១ ០០០កូន ជូន១១ សហគមន៍ព្រៃឈើក្នុងខេត្តគោលចំនួន ៧គឺខេត្តកំពង់ឆ្នាំ កំពង់ស្ពឺ កំពង់ធំ ពោធិសាត់ សៀមរាប ព្រះវិហារ និងខេត្តឧត្តរមានជ័យ។

ព័ត៌មានគួរចាប់អារម្មណ៍

ឯកឧត្តម វេង សាខុន រដ្ឋមន្រីក្រសួងកសិកម្ម រុក្ខាប្រមាញ់និងនេសាទ បានដឹកនាំកិច្ចប្រជុំធំៗចំនួន៣ក្នុងក្របខ័ណ្ឌអាស៊ានពីចម្ងាយតាមប្រព័ន្ធវីដេអូ ()

ព័ត៌មានគួរចាប់អារម្មណ៍

ឯកឧត្តម ឈា ប៊ុនរិទ្ធ អគ្គនាយកកិច្ចការបច្ចេកទេស នៃក្រសួងធនធានទឹក និងឧតុនិយម បានចុះពិនិត្យស្ថានភាពទឹកជំនន់ទឹកភ្លៀង(ដែលមានប្រភពពីស្ទឹងព្រែកត្នោត) ()

ព័ត៌មានគួរចាប់អារម្មណ៍

ឯកឧត្តម វេង សាខុន ប្រធានក្រុមការងាររាជរដ្ឋាភិបាល និងជាប្រធានក្រុមការងារថ្នាក់ជាតិចុះមូលដ្ឋានស្រុកតំបែរ ខេត្តត្បូងឃ្មុំ ស្រុកកំពងសៀម និងស្រុកជើងព្រៃ ខេត្តកំពង់ចាម និងលោកជំទាវ រួមជាមួយសហការីបានអញ្ជើញចូលរួមពិធីបញ្ចុះបឋមសិលា សាងសង់កុដិថ្មី និងស្រោចស្រពសុគន្ធវារី ()

ព័ត៌មានគួរចាប់អារម្មណ៍

ឯកឧត្តមរដ្ឋមន្រ្តី វេង សាខុន និងសហការីបានបន្តដំណើរមកកាន់ខេត្តកំពង់ចាម ភូមិកោះចំប៉ា ឃុំព្រីងជ្រំ ស្រុកជើងព្រៃ ដើម្បីមកពិនិត្យស្ថានភាពទឹកជំនន់ទឹកភ្លៀង និងជួបសំណេះសំណាល ()

ព័ត៌មានគួរចាប់អារម្មណ៍

រដ្ឋមន្រ្តី លឹម គានហោ បានចុះពិនិត្យវាស់វែងជាក់ស្តែងព្រមទាំងមានវិធានការចំពោះមុខនិងសម្រាប់អនាគតនៅចំនុចទីតាំងចំនួន០៣គឺនៅទីតាំងព្រែកហូរ ប្រឡាយព្រែក រទាំង និងស្ទឹងជ្រៅ ក្នុងខេត្តកណ្តាល ()

វីដែអូ

ចំនួនអ្នកទស្សនា

ថ្ងៃនេះ :
400 នាក់
ម្សិលមិញ :
384 នាក់
សប្តាហ៍នេះ :
3976 នាក់
ខែនេះ :
16569 នាក់
3 ខែនេះ :
51502 នាក់
សរុប :
132945 នាក់