ថ្មីៗនេះនាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ បានចាត់វិធានការទៅលើលោកឧត្តមសេនីយ៍ត្រី ខូង ទីន មេប៉ុស្ដិ៍នគរបាលអន្តោប្រវេសន៍ច្រកទ្វារអន្តរជាតិអូរស្មាច់ ក្រោយពេលប្រជាពលរដ្ឋលាតត្រដាងរឿងអាស្រូវរបស់លោក ខូង ទីន និងបក្ខពួកជាបន្តបន្ទាប់។ ប៉ុន្តែសម្រាប់លោក កើត ដារ៉ាស៊ី មេប៉ុស្ដិ៍នគរបាលអន្តោប្រវេសន៍ច្រកទ្វារអន្តរជាតិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ មិនទាន់ត្រូវបាននាយឧត្តមសេនីយ័ គៀត ច័ន្ទថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ ចាត់វិធានការដូចលោក ខូង ទីន នៅឡើយទេ។ ប្រការនេះហើយទើបលោក កើត ដារ៉ាស៊ី នៅតែប្រើតួនាទីនិងអំណាចរបស់ខ្លួនក្នុងការប្រមូលលុយតាមរបៀបពុករលួយដោយគ្មានញញើតអ្វីទាំងអស់ ដោយប្រើប្រាស់ឈ្មោះនាយឧត្តមសេនីយ៍ គៀត ច័ន្ទថារិទ្ធ ដើម្បីបិទបាំងរឿងអាស្រូវនិងអំពើពុករលួយរបស់ខ្លួនទៀតផង។ថ្មីៗនេះប្រភពពីមន្ត្រីនៅច្រកទ្វារអន្តរជាតិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ បានឲ្យដឹងថាលោក កើត ដារ៉ាស៊ី មេប៉ុស្ដិ៍នគរបាលអន្តោប្រវេសន៍ច្រកទ្វារអន្តរជាតិត្រពាំងស្រែ-វ៉ាលឺ នៅតែប្រើអំណាចគាបយកលុយពីក្រុមហ៊ុននិងក្រុមឈ្មួញនាំចូលទំនិញតាមច្រកនេះស្រេចតែអំពើចិត្ត។ បើទោះបីឈ្មួញខ្លះនាំចូលទំនិញបង់ពន្ធគយត្រឹមត្រូវក៏ដោយ ក៏ចៀសមិនផុតពីបង់លុយក្បាលរថយន្តឬបង់លុយលើតុក្រោមតុឲ្យលោក កើត ដារ៉ាស៊ី និងបក្ខពួកតាមការកំណត់នោះឡើយ ដើម្បីចៀសផុតពីការរំខាន។ ដោយសារលោក កើត ដារ៉ាស៊ី ប្រើអំណាចនិងតួនាទីរបស់ខ្លួនគាបយកលុយពីក្រុមហ៊ុននិងក្រុមឈ្មួញនាំចូលទំនិញតាមច្រកទ្វារអន្តរជាតិត្រពាំងស្រែ កាន់តែច្រើនឡើងៗទើបរឿងអាស្រូវនិងអំពើពុករលួយរបស់លោក កើត ដារ៉ាស៊ី ត្រូវបានបើកកកាយជាបន្តបន្ទាប់មួយរយៈកន្លងទៅនេះ។ប្រភពពីមន្ត្រីនគរបាលក្នុងខេត្តក្រចេះ បានបង្ហើបឲ្យដឹងថា មួយរយៈចុងក្រោយនេះដោយសារអាងមានខ្នងបង្អែករឹងមាំនៅក្នុងក្រសួងមហាផ្ទៃ និងនៅក្នុងអគ្គនាយកដ្ឋានអន្តោប្រវេសន៍ ទើបលោក កើត ដារ៉ាស៊ី ឃុបឃិតឲ្យឈ្មួញនាំចេញទំនិញគេចពន្ធ ក៏ដូចជានាំចេញឈើនិងធ្យូងស្រេចតែអំពើចិត្ត។ ប្រភពបានឲ្យដឹងទៀតថាលោក កើត ដារ៉ាស៊ី មានសិទ្ធិអំណាចធំជាងគេក្នុងការឃុបឃិតឲ្យឈ្មួញដឹកជញ្ជូនឈើចេញទៅស្រុកយួន ហើយឈ្មួញធំៗដែលល្បីល្បាញខាងដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិត្រពាំងស្រែ ដូចជាមេឈ្មួញ តុប វីដា មេឈ្មួញ សឹង សំអុល និងឧកញ៉ា ជ័យ ជាដើមសុទ្ធតែមានទំនាក់ទំនងជិតស្និទ្ធជាមួយលោក កើត ដារ៉ាស៊ី មេនគរបាលអន្តោប្រវេសន៍ច្រកទ្វារអន្តរជាតិត្រពាំងស្រែ ទើបអ្វីៗអាចប្រព្រឹត្តទៅដោយរលូន។ មន្ត្រីនគរបាលក្នុងខេត្តក្រចេះ បានអំពាវនាវឲ្យថ្នាក់ដឹកនាំក្រសួងមហាផ្ទៃ ក៏ដូចជានាយឧត្តមសេនីយ៍ គៀត ច័ន្ទថារិទ្ធ ចាត់វិធានការទប់ស្កាត់អំពើពុករលួយនិងទង្វើមិនប្រក្រតីរបស់លោក កើត ដារ៉ាស៊ី ជាបន្ទាន់ព្រោះសកម្មភាពទាំងនោះកំពុងធ្វើឲ្យប៉ះពាល់ដល់កេរ្តិ៍ឈ្មោះក្រសួងមហាផ្ទៃ និងស្ថាប័ននគបាលជាតិទាំងមូលផងដែរ៕
ព័ត៌មានគួរចាប់អារម្មណ៍
នាយឧត្តមសេនីយ៍ វង្ស ពិសេន៖ ការហ្វឹកហ្វឺនបានដើរតួនាទីសំខាន់ សម្រាប់ការអភិវឌ្ឍធនធានមនុស្ស រួមមចំណែកដល់ការកែទម្រង់ និងពង្រឹងវិស័យការពារជាតិ ()
ឯកឧត្តម រដ្ឋមន្រ្តី វេង សាខុន ចុះពិនិត្យចុងក្រោយទីតាំងសម្រាប់ប្រារព្វពិធី"មច្ឆទិវា"នៅស្រុកភ្នំស្រុក ខេត្តបន្ទាយមានជ័យ ()
ឯកឧត្តម វេង សាខុន និងលោក ជំទាវ ម៉ក់ ស៊ីថា និងសហការីបានអញ្ជើញបន្តចុះជួបសំណេះសំណាលជាមួយសមាជិកកណៈបក្សចំនួន៥៥០នាក់នៅឃុំអំពិល ស្រុកកំពង់សៀម ()
ឯកឧត្តមរដ្ឋមន្រ្តី វេង សាខុន បានទទួលជួបនាយកនិងអ្នកគ្រប់គ្រងទូទៅក្រុមហ៊ុនA Kirloskar Group Company របស់ឥណ្ឌាដើម្បីសម្តែងការគួរសមនិងស្នើសុំការណែនាំលើកម្មវត្ថុនៃការធ្វើទំនើបកម្មកសិកម្ម ()
អគ្គមេបញ្ជាការបន្តនាំយកអាវភ្លៀងរបស់សម្តេចតេជោ និងសម្តេចកិត្តិព្រឹទ្ធបណ្ឌិត ផ្តល់ជូនកងកម្លាំងប្រដាប់អាវុធទាំង៣ប្រភេទ នៅទិសយោធភូមិភាគទី៣ ()
វីដែអូ
ចំនួនអ្នកទស្សនា