ថ្ងៃទី១១ ខែសីហា ឆ្នាំ២០២០
គេហទំព័រសារព័ត៌មានសាមគ្គីជាតិ[www.skcnews.com] ទំនាក់ទំនងការផ្សាយ 092 46 12 13
នាយឧត្ដមសេនីយ៍ វង្ស ពិសេន ទទួលជួបអគ្គនាយកនៃអគ្គនាយកដ្ឋានអធិការកិច្ចកងទ័ពរំដោះប្រជាជនចិន
Mo,09 Dezember 2019 (Time 08:42 )
ដោយ ៖ (ចំនួនអ្នកអាន: 157នាក់)

(ភ្នំពេញ)៖ នៅរសៀលថ្ងៃទី៩ ខែធ្នូ ឆ្នាំ២០១៩ នេះ នាយឧត្ដមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានអនុញ្ញាតឲ្យលោក ឧត្តមសេនីយ៍ទោ ជៀង ហុងជុន អគ្គនាយកនៃអគ្គនាយកដ្ឋានអធិការកិច្ច កងទ័ពរំដោះប្រជាជនចិន ចូលជួបសម្តែងការគួរសម ក្នុងឱកាសដែលលោកឧត្ដមសេនីយ៍ បានដឹកនាំប្រតិភូមកបំពេញទស្សនកិច្ចនៅកម្ពុជា។

មានប្រសាសន៍ក្នុងឱកាសនោះ នាយឧត្ដមសេនីយ៍ វង្ស ពិសេន បានបញ្ចាក់ជូនប្រតិភូអំពីស្ថានភាពមួយចំនួននៅកម្ពុជា ក្នុងនោះ នាយឧត្ដមសេនីយ៍ បានលើកឡើងពីតម្លៃនៃសន្តិភាព ដែលកើតមានឡើងក្រោមនយោបាយឈ្នះឈ្នះរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ហើយរហូតមកដល់បច្ចុប្បន្ននេះ កំពុងតែផ្តល់នូវភាពអនុគ្រោះដល់ការកសាង និងអភិវឌ្ឍន៍ និងហុចផ្លែផ្កាយ៉ាងពិតប្រាកដដល់ប្រយោជន៍ជូនដល់ពលរដ្ឋកម្ពុជានៅទូទាំងផ្ទៃប្រទេស។

ពាក់ព័ន្ធដល់ទំនាក់ទំនងមិត្តភាពជាមួយសាធារណរដ្ឋប្រជាមានិតចិន នាយឧត្ដមសេនីយ៍ អគ្គមេបញ្ជាការ បានរម្លឹកដល់ខួប៦០ឆ្នាំនៃទំនាក់ទំនងការទូតកម្ពុជា-ចិន ហើយដែលថ្នាក់ដឹកនាំនៃប្រទេសទាំងពីរតែងតែខិតខំប្រឹងប្រែងរក្សាចំណងមិត្តភាព និងពុះពារឧបសគ្គជាច្រើនដើម្បីដឹកនាំប្រទេស និងប្រជាពលរដ្ឋឆ្ពោះទៅកាន់វឌ្ឍនភាព វិបុលភាព និងភាពសុខដុមរមនា។ នាយឧត្ដមសេនីយ៍ អគ្គមេបញ្ជាការ បានថ្លែងអំណរគុណដល់សាធារណរដ្ឋប្រជាមានិតចិន ដែលបានជួយគាំទ្រ និងផ្ដល់ជំនួយក្នុងការអភិវឌ្ឍសេដ្ឋកិច្ច និងសង្គមនៅកម្ពុជា ដែលជំនួយទាំងអស់នេះបានពង្រឹងនូវ តួនាទីនយោបាយ ក៏ដូចជាការរក្សានូវឯករាជ្យ និងអធិបតេយ្យភាពរបស់កម្ពុជា។ លើមូលដ្ឋានជាវិជ្ជមាននៃកិច្ចសហប្រតិបត្តិការ ប្រកបដោយលទ្ឋផលជាផ្លែផ្កាដែលទទួលបាននាពេលកន្លងមកនេះ នាយឧត្ដមសេនីយ៍ ថានឹងបន្តលើកកម្ពស់វិសាលភាពនៃកិច្ចទំនាក់ទំនងកិច្ចសហប្រតិបត្តិការជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ចិន ឱ្យឈានដល់កម្រិតកាន់តែខ្ពស់ថែមទៀត ដើម្បីផ្តល់នូវផលប្រយោជន៍ដល់ប្រជាពលរដ្ឋនៃប្រទេសយើងទាំងពីរ។

ជាកិច្ចឆ្លើយតប លោកឧត្តមសេនីយ៍ទោ ជៀង ហុងជុន បានថ្លែងអំណរគុណចំពោះនាយឧត្ដមសេនីយ៍ វង្ស ពិសេន ដែលបានស្វាគមន៍យ៉ាងរាក់ទាក់កក់ក្តៅដល់ប្រតិភូ ដោយលោកឧត្ដមសេនីយ៍ បញ្ជាក់ថា កម្ពុជា និងចិន គឺជាប្រទេសជិតខាងល្អ ដែលចាំបាច់ត្រូវមានការជួយឧបត្ថម្ភគ្នា ការបង្កើនចំណងមិត្តភាពរឹងមាំ ដែលនោះហើយគឺជាដែកថែបពិតប្រាកដ។ លោកឧត្តមសេនីយ៍ទោ ជៀង ហុងជុន បានបន្តទៀតថា បច្ចុប្បន្ននេះចិនបាន មើលឃើញនូវទំនាក់ទំនងរវាងចិន និងកម្ពុជាគឺមានលក្ខណៈល្អបំផុតនៅក្នុងប្រវត្តិសាស្ត្រនៃប្រទេសទាំងពីរ ហើយចិននឹងបន្តរក្សានូវចំណងនេះ តាមរយៈកិច្ចសហប្រតិបត្តិការទៅលើភាពជាដៃគូយុទ្ធសាស្រ្តគ្រប់ជ្រុងជ្រោយ ទាំងផ្នែកនយោបាយ សន្តិសុខ សេដ្ឋកិច្ច ក៏ដូចរវាងប្រជាជននិងប្រជាជនផងដែរ៕

ព័ត៌មានគួរចាប់អារម្មណ៍

រដ្ឋមន្រ្តីក្រសួងកសិកម្មបានឲ្យតំណាងក្រុមហ៊ុនSupper Appចូលជួបសម្តែងការគួរសមនិងស្នើសុំយោបល់អំពីលក់ផលិតផលកសិកម្មតាមអនឡាញ(Online) ()

ព័ត៌មានគួរចាប់អារម្មណ៍

ឯកឧត្តម លឹម គានហោ រដ្ឋមន្រ្តីក្រសួងធនធានទឹក និងឧតុនិយម បានអញ្ជើញដឹកនាំកិច្ចប្រជុំពិភាក្សាលើសេចក្តីព្រាងកិច្ចសន្យានិងចរចាថ្លៃបន្តបន្ទាប់សម្រាប់គម្រោងប្រព័ន្ធស្រោចស្រពនិងការពារទឹកជំនន់ស្ទឹងព្រែកត្នោត ()

ព័ត៌មានគួរចាប់អារម្មណ៍

រដ្ឋមន្រ្តីក្រសួងកសិកម្ម បានអញ្ជើញពិនិត្យការភ្ញាស់កង្កែបនៅភូមិក្របី ឃុំជង្រុក ស្រុកគងពិសី ()

ព័ត៌មានគួរចាប់អារម្មណ៍

ឯកឧត្តមរដ្ឋមន្រ្តី វេង សាខុន បានអញ្ជើញមកជួបសំណេះសំណាលសាកសួរសុខទុក្ខនិងនាំយកកូនត្រីអណ្តែង កូនកង្កែបនិងសម្ភារចិញ្ចឹមមួយចំនួនទៀតមកចែកជូនកសិករចំនួន៥៣គ្រួសារ ()

ព័ត៌មានគួរចាប់អារម្មណ៍

ឯកឧត្តមរដ្ឋមន្រ្តី និងសហការីបានបន្តដំណើរមកស្រុកត្រាំកក់ ខេត្តតាកែវដើម្បីមកពិនិត្យកសិដ្ឋានភ្ញាស់កូនមាន់ស្រែ និងសិប្បកម្មទូភ្ញាស់ជាលក្ខណះគ្រួសាររបស់បងស្រី កង ភារម្យ នៅភូមិអូរផុត ឃុំអង្គតាសោម ()

វីដែអូ

ចំនួនអ្នកទស្សនា

ថ្ងៃនេះ :
306 នាក់
ម្សិលមិញ :
294 នាក់
សប្តាហ៍នេះ :
2800 នាក់
ខែនេះ :
13820 នាក់
3 ខែនេះ :
31207 នាក់
សរុប :
91900 នាក់