(ភ្នំពេញ)៖ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងលោកជំទាវ ព្រមទាំងបុគ្គលិកទាំងអស់នៃធនាគារអភិវឌ្ឍន៍ជនបទនិងកសិកម្ម (ARDB) សូមគោរពជូនពរ ក្នុងឱកាសដ៏មានសិរីមង្គលប្រពៃថ្លៃថ្លា នៃខួបចម្រើនជន្មាយុរបស់ ឯកឧត្តមអគ្គបណ្ឌិតសភាចារ្យ ដែលនឹង ប្រព្រឹត្តទៅនៅ ថ្ងៃអង្គារ ១៤រោច ស២៥៦៨ ៥៦៨ ត្រូវនឹងថ្ងៃទី១ ខែតុលា ឆ្នាំ២០២៤ នេះ តាងនាមថ្នាក់ដឹកនាំ និងបុគ្គលិកទាំងអស់នៃធនាគារអភិវឌ្ឍន៍ជនបទ និងកសិកម្ម (ARDB) ខ្ញុំបាទនិងភរិយា សូមគោរពអនុញ្ញាតសម្តែងនូវសេចក្តីអំណរសាទរប្រកបដោយមនោសញ្ចេតនាគោរពស្រលាញ់ដ៏ជ្រាលជ្រៅ និងសូម គោរពជូនពរជ័យ សិរីសួស្តី ជ័យមង្គល វិបុលសុខមហាប្រសើរជូន ឯកឧត្តមអគ្គបណ្ឌិតសភាចារ្យ សូមបានសមប្រកប ដោយសុខភាពល្អបរិបូណ៍ កាយពលមាំមួន បញ្ញាញាណភ្លឺថ្លា ជន្មាយុយឺនយូរ និងសូមសម្រេចជោគជ័យគ្រប់ភារកិច្ច។
ឆ្លៀតក្នុងឪកាសដ៏មហានក្ខត្តឬក្សថ្លៃថ្លានេះ យើងខ្ញុំទាំងអស់គ្នាសូមសម្តែងនូវការកោតសរសើរដោយស្មោះ ចំពោះ ឯកឧត្តមអគ្គបណ្ឌិតសភាចារ្យ ដែលតែងតែលះបង់កម្លាំងកាយចិត្ត ប្រាជ្ញា ស្មារតី ខិតខំប្រឹងប្រែងមិនខ្លាច នឿយហត់ ដឹកនាំក្រសួងសេដ្ឋកិច្ច និងហិរញ្ញវត្ថុ ព្រមទាំងកិច្ចការងារជាតិ និងអន្តរជាតិជាច្រើនជូនរាជរដ្ឋាភិបាល សម្រាប់ជាឧត្តមប្រយោជន៍ជាតិ និងប្រជាជន ឆ្ពោះទៅរកវឌ្ឍនភាព ភាពសុខដុមរមនា និងវិបុលភាពស្របតាម ចក្ខុវិស័យរបស់រាជរដ្ឋាភិបាល។
ជាថ្មីម្តងទៀត យើងខ្ញុំសូមបួងសួងដល់គុណបុណ្យព្រះរតនត្រ័យ និងបារមីវត្ថុស័ក្តិសិទ្ធិទាំងឡាយក្នុងលោក សូមប្រសិទ្ធពរជ័យ បវរសួស្តី ជ័យមង្គល វិបុលសុខ គ្រប់ប្រការជូនចំពោះ ឯកឧត្តមអគ្គបណ្ឌិតសភាចារ្យ និង លោកជំទាវ ព្រមទាំងក្រុមគ្រួសារ សូមសមប្រកបដោយពុទ្ធពរ និងពរទាំងប្រាំប្រការ គឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ។
